I suach noch am Sinn vom Lem
Warum sama do, wo kemma her, werds nochm Tod wos gem
I brauch a schene Sekten, oane de ma wos erzäit
De derf mi a ausnehma, Hauptsach mir werds Hirn eigsteit
Doch Christen san ma z´ Mainstream und de andan ham an Schlog
Jah i brauch a Sekten, a Sekten de i mog

Zeugen Jehowas mog i ned
Und de Mormonen san ma z´ bled
Scientology is ma z´ grob
I brauch a Sekten, de i mog
I brauch a Sekten, de ma zua Nosn steht
I brauch a Sekten, de i mog

I geh ausse in de Stodt, geh an am Stand vorbei
Vo hinten plert a Frau ume: "derfst fei scho steh bleim"
Bass auf, i hob wos füa die, des is a super Sach
I segs da ganz genau oh, dei Lem geht obe an Bach
Do unterschreibst a moi schnei und no as Initial
Mei du Saudepp host as gschafft, jetz bist nimmer normal

Jah etz bin i do dabei und do gfoits ma glei
A neia Nam, a neis Heim und neie Freind
Meine Verwandten, meine Spezln werd i a nimmer seng
Hob i jetz an neia Nam, i hoas Apollo 14
Des werd a lustige Gschicht, des werds ihr a no seng
Denn i bin etz in a Sekten, in ders mi meng

Zeugen Jehowas mog i ned
Und de Mormonen san ma z´ bled
Scientology is ma z´ grob
I brauch a Sekten, de i mog
I brauch a Sekten, de ma zua Nosn steht
I brauch a Sekten, de i mog

Doch noch 2 Monat schaut de ganze Gschicht scho anders aus
Den Batz wos do zum Fressen gibt, der is a Graus
Meine Freind ham mim Apollo 14 nix zum doa
Ja leck mi fett am Arsch, jetz bin i ganz alloa
I hob koa Geid nimma, des hot ma d Sekten gstoin
Ja Himme Sakrament ze fix, de soi da Deife hoin

I wui aus da Sekten naus, i hob an Entschluss gfasst
Do san de bleden Hund zur Wach, gib fei Obacht
Klettert üban Stacheldrahtzaun dann bin i frei
Doch dahoam leits Telefon und a Drohbrief kimmt nei
Noch am langa Dog, wo i mi sauber bsauff
Auf oamoi kimm i drauf, i mach mei eigene Sekten auf

Zeugen Jehowas mog i ned
Und de Mormonen san ma z´ bled
Scientology is ma z´ grob
I brauch a Sekten, de i mog
I brauch a Sekten, de ma zua Nosn steht
I brauch a Sekten, de i mog

Yeah