Da Nikolaus war fleisig, da Nikolaus war guad
Er hod de gloana Bamsen bsuacht, mim Sackal und da Ruat
Doch sche langsam kriagt er Kopfweh und da Krampus sogt erm friat
Drum san de zwoa Kumpanen zum Christkindlmarkt marschiert

Zielstrebig geht's an an Glühweinstand
Kurz drauf hod jeder vo de zwoa a Tasse in da Hand
A so do kannt ma weiterlem, do dad se nixe fein
Doch zwoa Tischreihen weiter, wos hockt do für a Verein

Du foischer Kasperl, wos machst denn du do
Zipfemützen, foischer Bart und foische Hoh
Zur Weihnachtszeit, war des oiwai mei Revier
Auf geht's Krampus, den Cola-Affen pack ma mir

Santa Claus du kimmst heid no ins Krangahaus
Santa Claus dann bist a Sanka Claus
Santa Claus so schnei kimmst du do nimmer naus
Santa Claus dann is mim Santa aus

Da Nikolaus sigt Rot, da Krampus packt sei Ruaten aus
Santa jetz bist Tot, deine Elfen nehman scho reissaus
Heid kost ned davo laffa, heid kimmst du uns ned aus
Dei oide kafft fürs Grob am besten scho an Bleamestrauss

Santa jetz song ma, warum ma a Wuat auf die ham
Etz muast uns nua kurz zuahern und danoch haun ma die zam
Dei Schöpfer Coca Cola hod fui Geid mit dir gmacht
Und nebenbei unser Kulturerbe durcheinander brocht.

Du foischer Kasperl, wos machst denn du do
Zipfemützen, foischer Bart und foische Hoh
Zur Weihnachtszeit, war des oiwai mei Revier
Auf geht's Krampus, den Cola-Affen pack ma mir

Santa Claus du kimmst heid no ins Krangahaus
Santa Claus dann bist a Sanka Claus
Santa Claus so schnei kimmst du do nimmer naus
Santa Claus dann is mim Santa aus

So, jetz machen wir alle eine Zeitreise in die Zukunft und umgefähr fuchzg Joh noch dem Vorfall, wennst du auf de Straß gehst und a kloans Kind frogst: "Mei konnst du mir song, wia da Nikolaus ausschaut"? Dann woas des ganz genau: "Da Nikolaus hod auf seim Kopf eine Mitra, in seiner Rechten einen Hirtenstab und zu seiner linken einen Krampus, mit am großen Sogg, der wo olle Kinder, de wo ned brav warn ollesamt eifangt. Genauso muas des vo am kloana Kind kemma, anders wui mas ned hern. Wos sein Kollegen an Santa Claus betrifft, hod ma vo dem nimmer vui kert. Zuletzt gesichtet is er woan irgendwo in Australien, bei de Beuteltiere. Mei do hod er sein Freilauf, do steit er a nix oh. Seine Rentiere, san ollesamt vo am skandinavischen Jager durchn Woif draht woan. Is a vorbei. Seine Elfen flackan bei Playmobil im Schaufenster. Und es gibt koa Socka mehr, de über am Kamin hängt, sodass de ganze Bude abfackelt. Insgesamt muas ma song, de Welt is so wesentlich besser droh.

Santa Claus du kimmst heid no ins Krangahaus
Santa Claus dann bist a Sanka Claus
Santa Claus so schnei kimmst du do nimmer naus
Santa Claus dann is mim Santa aus