Heid aufnacht hob i a heißes Date
A echte Traumfrau mechst fast moana, wia ausm Katalog nausbsteid
Des Date des is um fünfe, jetz is erst hoibe drei
I hob no Zeit, drum schau i beim Getränkemarkt vorbei

Um viere foh i los und schau aufs Armaturenbrett
Do war i fei vorsichtig, da ganze Diesel is fast weg
Noch zehn Minuten warten kimm dann i zum Tanken droh
Beim Zoin schau i ma dann no´s neie Playboyheftl oh

He Bursche, ned naggade Weiber oschaun. Schaug lieaba aufd Uhr!
Wos scho dreiviertel fünfe!
Jetz aber huatig, jetz aber huatig, oans zwoa drei Gas!

Jetz aber huatig, jetz aber schnei
I muas jetz weiter, sofort weg auf da Stei
Do trisch i in mei Auto nei, dass nua no rumst und kracht
Der Saukübe hod mi bis jetz no überhoi hibrocht

Do brettert i auf'd Autobahn, ais wia a gsenkte Sau
Wos mechtn auf der linken Spur denn do de oide Frau
Jetz werd ma nix ma heilig, Verkehrsregeln wern fremd
Hupen, blinken, auffohn, doch de Oide pennt

A oide Frau auf da Autobahn, da Klassiker.
Jah wos mechst jetz do macha.
Du bass auf, de blinkt, de Streck is wieder frei, jah woast wos des hoast?
Jetz aber huatig, jetz aber huatig, oans zwoa drei Gas!

Jetz foht de oide d' Ausfahrt naus, de Strass is endlich frei
Zwoahundert auf da Autobahn, mei Madl i kimm glei
Do geht's etz dann de Ausfahrt naus und ume übers Eck
A Blick auf d' Uhr sogt gäd scho no, bist eh no ned so spät

Jetz steh i do, vor ihr und klingelt an da Dia
Wia´s aufmacht, verziagst as Gsicht und jetzad kimmts erst mia
Koa Deo aufglegt, Gott! I sting nach Schweiß, noch Rauch, noch Bier
So kost ned moi auf's Feid geh, do speim da sogo d´ Kia

Oa mei, du machst Sachan. Aber erzäi a moi, is no wos gloffa?
Tia, sie hod grod gsogt, so wia du stinktst, do gemma erst a moi ins Bad.
Jetz aber huatig, jetz aber huatig, oans zwoa drei Gas!