Da Traum

Da Toni spuit in ner Blaskapelln,
Beim Bozner Bergsteiger-Marsch hod er an Riesenspass
Er spuit Trompetn wia a Oansa, spuit voier Freid und Gfui
Logisch, dass jeds Dirndl bei erm sei wui

Doch wenn ois stad is, und er in sich einehorcht
Dann hert er oft diese seltsame Stimm
Und wenn er eischlaft, und sie moi treibn lasst
Dann spürt ers glühend hoaß in sich drin

Er is a Rockstar, mit seiner Rockband, und seiner Rockgitarr
Und seine Rockfangs singan mit erm seine Rocksongs
Er rockt die Bühne, er rockt sei Lem, für erm kannts nix schenas gem
Und in seim Traum, he ´s rocking on and on and on - Warum eigentlich ned?

Da Herman, der hod sein Gaumen trainiert
Biergeschmack perfektioniert, er hod as Bier studiert
Hod Nägel mit Kepf gmacht und sie a Anlag ogschafft
Aus seim Keller, a Brauerei gmacht

Des war fui Arbat, doch boid is Erntezeit, da Kessel dampft und füllt sie mit flüssig Gold
Und oi de Grantler, de werdn ganz geib vor Neid, wenn der Rubel bei erm plötzlich rollt

Er is a Brauer, braut a guads Bier, in seiner Brauerei
Wos er do zammbraut, is a richtig guads Gebräu
Er braut fürn Landkreis, ah ge fürs ganze Land, wos er do zambraut, jah des is allerhand
Und in seim Traum, do werd nur braut braut braut braut braut bis erms gstei zammhaut

Da Hannes, der moant er kann es
Bundesliga, jawoi des kon er ah
Bissal dribbeln hier und da, Fallrückzieher wunderbar
Zwoa fette Taschn voi mit Geid und zwar in bar

Doch as Training, war ja klar des foit flach
Denn da linke Zeha zuckt und as Sacke wia des juckt
Sei Couch lasst na ned los, de Verbundenheit is groß
Do konnst nix macha, jeder ziagt sei eigns Los

Er is a Kicker, und kickt an Boi, im voia Stadion
In seiner Kicker Mannschaft is er der Kicker Nummer 1
Er kickt im Sturm, im Mittelfeld, jah fürs kicken kriagt er an haufa Geid
Und in seim Traum, do duad er kicken, kicken, kicken, kicken, kicken - gega d ´schmoia und de Dickn

Da Toni is a Rockstar, spuit voier Freid und Gfui
Da Hermann hod an Gschäfts-Partner, der mit erm Bier braun wui
Da Hannes hods ins Stadion gschafft, gstillt is da Erfolgsdurst
Ohne erm lafft gar nix, er brutzelt Currywurst

Er is a Rockstar, Er is a Brauer, Er is a Fuaßballer
Und seine Rockfans, saufan sei Bier im Stadion
Er rockt die Bühne, er braut sei Bier, as letze Tor foit jetz und hier
Er lebt sein Traum, er hods probiert, hods funktioniert?

Er is a Rockstar, Er is a Brauer, Und er is a Fuaßballer

Jah und seine Rockfans, de saufan sei Bier, bei erm drübm im Stadion
Er rockt die Bühne, er braut sei Bier, as letze Tor foit jetz und hier
Er lebt sein Traum, er hods probiert, hods funktioniert?
Jah irgendwie doch scho

Da oide Schlog - Aufn 12er

Da oide Schlog - Mit voia Wucht

Da oide Schlog






Copyright Da oide Schlog 2016.